Балалардың әлеуметтік-шығармашылық белсенділігін, өзін-өзі жетілдіру және өзін-өзі дамыту қажеттілігін дамытуға, балалар мен жастардың азаматтық және құқықтық мәдениетінің деңгейін арттыруға бағытталған "Адал ұрпақ" патриоттық клубтарының облыстық қашықтық конкурсының қорытындысы шығарылды. Байқауға буклеттер, буктрейлерлер, суреттер ұсынылды. Буктрейлерлер байқауында "Сыбайлас жемқорлық – қоғамға төнген қауіп және әлеуметтік зұлымдық ретінде" тақырыбымен 1- орынды №10 ОМ оқушылары Қарабалина Алина, Қуанышбаева Айгерим, Максименко Галина алды. "Мен баламын, мен адаммын" суреттер сайысында балалар өнер мектебінің тәрбиеленушісі Рыскалинова Жасмин 2 орынға ие болды.